ലോക സമസ്ത സുഖിനോ ഭവന്തു എന്ന് ഉദ്‌ഘോഷിച്ചു, പ്രാർത്ഥിച്ചു, പഠിപ്പിച്ച ഉത്ക്കൃഷ്ടമായ ഒരു സന്യാസ പരമ്പര… തനതു സംസ്കാരം അവകാശപ്പെടാൻ കഴിയുന്ന സജ്ജനങ്ങളുടെ ഒരു രാഷ്ട്രം… അങ്ങിനെയുള്ള ആ സന്യാസി വര്യന്മാരുടെയും, ഈ സജ്ജനങ്ങളുടെയും, പ്രൗഢ ഗംഭീരമായ ഒരു ഒത്തു ചേരൽ… പഞ്ച ഭൂതങ്ങളും, സമയവു, ഋതുക്കളും, ഏറ്റവും പരിപൂർണമായി ചേരുന്ന അപൂർവമായ സമയത്തു, ജീവൽ നാഡിയായി, സഹസ്രാബ്ധങ്ങളായി, ഒഴുകുന്ന , മൂന്നു പുണ്ണ്യ നദികളുടെ, അപൂർവ സംഗമത്തിൽ, എല്ലാറ്റിനും ഊർജം കൊടുക്കുന്ന, ആദിത്യ ഭഗവാനെ, തൊഴുതു വരവേൽക്കാൻ, അവർ ഒത്തു ചേരുകയാണ്… ലോകത്തെ മുഴുവൻ സ്നേഹിക്കാൻ പഠിപ്പിച്ച, ആ ഗുരു പരമ്പരയെ, അറിയാൻ, അവരെ മനസ്സിലാക്കാനുള്ള ഒരു വേദി.. അതാണ് പ്രയാഗ് രാജിലെ മഹാ കുംഭ മേള..

ഭൗതികം, ആത്മീയം, ഭൂമിശാസ്ത്രപരം, പ്രപഞ്ചം, സമയം എന്ന് വേണ്ട , തങ്ങൾക്കു അറിയാവുന്ന എല്ലാ തലങ്ങളിലേക്കും വ്യാപിച്ചു നിൽക്കുന്ന, ഒരു അപൂർവ സംഗമം… അതാണ് 144 കൊല്ലം കൂടുമ്പോൾ നടക്കുന്ന ഈ മഹത്തായ സംഗമ ഭൂമിയിലെ കുംഭം…

വിജ്ഞാനം അളവുകോലാക്കി, പഠിപ്പിച്ചു, ജീവിച്ചു കാണിച്ച, ഭാരതത്തിന്റെ സാംസ്‌കാരിക പാരമ്പര്യത്തിന്റെ ഏറ്റവും വലിയ മഹോത്സവം… അത് ലോകത്തിലെ ഏറ്റവും വലിയ , മനുഷ്യ സംഗമമായി മാറുമ്പോൾ, ഇവിടെ പിറക്കുന്നത് ഒരു മഹാത്ഭുതമാണ്.. സ്വയം അറിഞ്ഞു, അനുഭവിച്ചു മനസ്സിലാക്കേണ്ട, ജീവിതത്തിലെ ഏറ്റവും ധന്യമായ മുഹൂർത്തം…

കുംഭ മേള എന്ന ഈ വെബ്‌സൈറ്റിയിലേക്കു എല്ലാവര്ക്കും സ്വാഗതം.